ગોતું છું .
વીતી ગયેલો સમય ગોતું છું .
ખોવાયેલું બાળપણ ગોતું છું .
ખબર નથી મને , મને શું ગમે,
લોકોના ગમા - અણગમા ગોતું છું .
એ કાલી - ધેલી કુમળી ક્ષણો ને ,
વોટ્સ અપ - ફેસ બુકમાં ગોતું છું .
આજને કરી આંખ આડા કાન ,
રોજ આવતી કાલને ગોતું છું .
ભૂલી હેમ - દોસ્તી ના ધબકાર ,
પિત્તળ સંબંધના રણકાર ગોતું છું .
ઓઢી ભર બપ્પોર નો છાંયડો ,
સમી સાંજે નો તડકો ગોતું છું .
તારું - મારું જ્યાં સહીયારું હતું ,
એ દોસ્ત ના ખભે શાતા ગોતું છું .
વ્યવહાર નહીં સ્વભાવ ગોતું છું ,
દાવપેચ વિનાનું ખડખડાટ હાસ્ય ગોતું છું .
Post a Comment